l’estat espanhòl enebís las emissions d’Euskal Telebista dins la region de Pampalona
Dijòus, 5 de mai de 2016, 03h00 Television,Societat,Politica,Internacional
L’estat espanhòl enebís las emissions d’Euskal Telebista dins la region de Pampalona
Uèi, per evitar de multas e la mesa jos sagèls de las installacions, EITB quita sas emissions
2 comentaris
La television publica basca, Euskal Irrati Telebista (EITB), cessa uèi sas emissions en Navarra del Sud en consequéncia de las sancions economicas impausadas per l’estat espanhòl, que n’a enebit las emissions. Aquela enebicion es la consequéncia d’una denóncia facha per l’anterior govèrn de Navarra del Sud, de drecha espanholista.
Las sèt províncias istoricas del Bascoat son devesidas en tres territòris. Tres províncias son dins los territòris del nòrd, dins l’estat francés, ont an pas cap de reconeissença legala: son Labord, la Bassa Navarra e Sola. Dins l’estat espanhòl, i a dos territòris autonòms: la Comunautat Autonòma Basca (amb las províncias d’Alaba, Guipuscoa e Biscaia) e la Navarra del Sud. Fins a ara, los mèdias d’EITB se recebián dins tot lo país.
Ara, en seguida de la requèsta del govèrn espanhòl, EITB quita uèi d’emetre tot senhal a Pampalona.