antologia de la literatura occitana en anglès

Diluns, 29 de junh de 2015, 03h00 Lenga,Cultura

Una antologia de la literatura occitana en anglés

Una rejoncha de 780 paginas que conten de tèxtes occitans del sègle X fins al present sègle XXI


Ven de paréisser una antologia de la literatura occitana pels anglofòns. Es una rejoncha de 780 paginas que conten de tèxtes del sègle X fins al present sègle XXI, traduches en anglés e acompanhats de l’original en lenga nòstra. Se tracta d’un trabalh remirable de cinc annadas de recèrca menat a tèrme per James Thomas, un cercaire de la literatura occitana e un traductor professional en anglés, catalan e occitan.
 
L’òbra, entitolada Grains of Gold (Grans d’Aur), introdutz lo legeire anglofòn a la riquesa de la literatura en lenga nòstra de tota l’istòria: los trobadors e las trobairises, l’Edat Mejana, lo Barròc, la Renaissença, lo Romantisme, lo Felibritge e totas las tendéncias literàrias dels sègles XX e XXI.
 
L’òbra a ganhat lo prèmi Ostana d’escritura en lenga mairala de 2015 de la Chambra d’Òc.